Ushbu maqolada kichik biznes va xususiy tadbirkorlikning mamlakatimiz iqtisodiyotini rivojlantirishdagi roli va ahamiyati tahlil qilingan. Kichik biznesning iqtisodiyotdagi o‘rni, yangi ish o‘rinlari yaratish, innovatsiyalarni joriy qilish va eksport hajmini oshirish kabi jihatlar ko‘rib chiqilgan. Statistik ma’lumotlar va empirik tahlillar asosida kichik biznesni rivojlantirishga to‘sqinlik qiluvchi omillar ham tahlil qilingan. Shuningdek, rivojlangan mamlakatlarning tajribasi asosida mamlakatimizda kichik biznesni qo‘llab-quvvatlash uchun samarali strategiyalar taklif etilgan. Ushbu maqola kichik biznesni rivojlantirish orqali iqtisodiy o‘sishni rag‘batlantirish va aholi turmush darajasini yaxshilashga qaratilgan muhim tavsiyalarni o‘z ichiga oladi.

Bugungi kunda, O‘quv-tarbiya jarayonlarini tashkil etishning an’anaviy va noan’anaviy shakllarini qo‘llash, o‘qitishga zamonaviy yondashuvlar asosida shiddat bilan o‘zgarib borayotgan jamiyat talablariga mos ravishda ta’lim sifatini oshirish talab etilmoqda. XXI asrda maktab ta‘limi maqsadlari o‘zgarib, o‘quvchilarda savodxonlik, kompetentsiyalar va shaxsiy sifatlar, fazilatlarni shakllantirish hamda rivojlantirish ustuvorlik kasb etmoqda. Masofaviy ta’lim texnologiyalari o‘ziga xos afzalliklarga ega. O‘quvchiga qulay sharoit va muhitda ta’lim olish, mustaqil dars qilish vaqti va yo‘nalishini tanlash (videodarslarni takror ko‘rish mumkin) imkonini beradi.

Mazkur maqolada oʻzbek oilasida nikoh marosimlarining zamonaviy ijtimoiy hayotga taʼsiri tahlil qilinadi. Nikoh marosimlarining anʼanaviy va zamonaviy jihatlari, ular jamiyatning ijtimoiy, iqtisodiy va madaniy hayotiga qanday taʼsir koʻrsatayotgani oʻrganiladi. Tadqiqot jarayonida nikoh marosimlarining ijtimoiy birdamlikni mustahkamlashdagi roli, shuningdek, ularning zamonaviy hayotda duch kelayotgan muammolari koʻrib chiqilgan.

Maqom san’ati o‘zining ko‘p asrlik tarixiga ega. Bu tarixni o‘zaro farqli ikki yirik davrga ajratish mumkin. Birinchi davr mazmunini maqomlarning makon-zamon nuqtai nazaridan juda qadimiy kelib chiqish ildizlari, dastlabki kuy-ohang qatlamlarini o‘rganish masalalari tashkil etadi. Tabiiyki, bu davrda hozirda ma’lum tom ma’nodagi maqomlar bo‘lmagan, albatta. Chunki maqom tizimlarining shakllanish jarayonlari ijtimoiy-madaniy taraqqiyotning ma’lum bosqichi bilan shartlangan.

Mazkur maqola o’zbek musiqasida alohida o’ringa ega bo’lgan ud cholg’usining tarixiy rivojlanish bosqichlariga bag’ishlangan. Markaziy Osiyoda hududlaridan topilgan osori-atiqalardan, o’tmish musiqiy risolalarda musiqaning nazariy masalalari aynan udning dastasi orqali tushuntirilganligidan cholg’uning naqadar uzoq tarixga ega hamda ahamiyatli ekanligini anglash mumkin. Shuningdek, uning bugungi ko’rinishi, ijrochilik amaliyotida qo’llanilishi masalalariga ham e’tibor qaratilgan.