Ushbu ilmiy maqolada Xorazm viloyatining qadimgi davrlaridan boshlab, bugungi kungacha bo‘lgan rivojlanish bosqichlari haqida kengroq ma’lumot berilib o’tilgan. Qadimgi Xorazm madaniyati, antik va o‘rta asr davlatlari, Xorazmshohlar davri, Xiva xonligi va XX asrda yuz bergan ijtimoiy o‘zgarishlar ilmiy manbalar asosida tahlil qilinadi. Shuningdek, Xorazmning bugungi kundagi iqtisodiy va madaniy rivojlanishi, turizm sohasidagi yutuqlari ham o‘rganilgan. Maqola davomida tarixiy voqealarga asoslangan holda, Xorazm viloyatining O‘zbekiston tarixidagi o‘rni va uning jahon tamadduniga qo‘shgan hissasi haqida ma’lumotlar keltirib o’tilgan

Mazkur maqolada IMEN (TRIZ – Ijodiy Muammolarni Echish Nazariyasi) metodlari asosida ta’limiy jarayonni samarali tashkil etish imkoniyatlari yoritilgan. TRIZ yondashuvi orqali o‘quvchilarda ijodkorlik, tanqidiy fikrlash, muammoga yondashuv ko‘nikmalari shakllanadi. Shu bilan birga, ta’limiy faoliyatda noan’anaviy yondashuvlar, interfaol metodlar va didaktik mashg‘ulotlar orqali o‘quvchilarning darsga qiziqishini oshirish, ularni innovatsion fikrlashga yo‘naltirish mexanizmlari ko‘rib chiqilgan. Maqolada amaliy misollar, muammo-vaziyatli topshiriqlar asosida TRIZ metodlarining afzalliklari tahlil etiladi.

Mazkur maqolada rangtasvir san’atida nur va soya vositalarining badiiy hamda dramaturgik ifodaviy kuchi tahlil qilinadi. Nur va soyaning psixologik obraz yaratishdagi o‘rni, tenebrizm uslubining qadimiy va zamonaviy san’atdagi talqinlari, shuningdek, yorug‘lik kontrasti orqali kompozitsion yechimga erishish yondashuvlari yoritiladi.

Ushbu maqolada Gerard Clauson tuzgan “An Etymological Dictionary of Pre-Thirteenth-Century Turkish” asari asosida Chigʻatoy tilidagi otlar grammatik tahlil qilinadi. Tadqiqot 821 ta otga asoslanib, ularning grammatik ko‘rinishlari, semantik yo‘nalishi va til tafakkuridagi o‘rni statistik jihatdan ko‘rsatib beriladi.

Oziq-ovqat chiqindilari bugungi kunda dunyo miqyosida ekologik va iqtisodiy muammolarni keltirib chiqarmoqda. Ushbu maqolada oziq-ovqat chiqindilarining turlari, ularning atrof-muhitga ta'siri, hamda chiqindilarni kamaytirish va qayta ishlash usullari haqida batafsil ma'lumot berilgan. Asosiy e'tibor chiqindilarni qayta ishlashning innovatsion texnologiyalari va ularni samarali boshqarish tizimlariga qaratilgan. Shuningdek, oziq-ovqat chiqindilarini kamaytirish bo'yicha ta'lim, rag'batlantirish va iqtisodiy rag'batlar haqidagi takliflar ham muhokama qilingan.