Ушбу мақолада тезкор-қидирув фаолияти (ТҚФ) устидан суд назоратининг ҳуқуқий табиати, мақсади ва самарадорлиги масалалари атрофлича таҳлил этилган. Муаллиф суд назоратининг моҳиятини инсон ҳуқуқ ва эркинликларини ҳимоя қилиш ҳамда қонунийликни таъминлаш орқали адолатли судловни амалга оширишнинг муҳим институти сифатида ёритади. Шу билан бирга, суд назоратининг ташаббускорлик хусусияти, унинг процессуал шакллари ва ҳуқуқий тартибга солинишининг камчиликлари турли олимлар нуқтаи назаридан таҳлил қилинган. Мақолада суд назоратининг предмети аниқ белгиланиб, унинг ТҚТни амалга оширишда қонунийлик, тартиб ва ҳуқуқий мутаносибликка боғлиқ жиҳатлари асослаб берилган. Муаллиф суд назорати фақат расмий мақуллаш эмас, балки фаол ва ташаббускор ҳуқуқий институт бўлиши лозимлигини таъкидлайди.

Mazkur maqolada ingliz sayyohi va tadqiqotchisi A. Byornsning ma’lumotlari asosida XIX asr o‘rtalarida Buxoro amirligidagi savdo holati yoritiladi. O‘sha davrda Buxoro Rossiya imperiyasi bilan faol iqtisodiy aloqalarni yo‘lga qo‘ygan bo‘lib, bu davlat uning asosiy tashqi savdo hamkoriga aylangan edi. Biroq Angliya o‘zining mintaqadagi ta’sirini saqlab qolish maqsadida Rossiyaning Buxoro bilan savdosiga to‘sqinlik qilish uchun jiddiy harakatlar qilgan. Jumladan, ingliz tovarlari Shimoliy Hindiston, Xitoy, Fors va Afg‘onistonda asta-sekin rus mahsulotlarini bozordan siqib chiqara boshlagan. A.Byornsning yozishicha, XIX asrning birinchi yarmida Buxoro amirligida savdo aloqalari o‘z taraqqiyotining eng yuqori cho‘qqisiga yetgan. Davlat siyosati ichki va tashqi savdoni rivojlantirishga faol ko‘maklashgan. Buxorodagi bozoru karvonsaroylar, Buyuk ipak yo‘li orqali shakllangan yo‘nalishlar savdo markazi sifatida katta ahamiyat kasb etgan. Mahalliy hokimiyatlar tomonidan bozor narxlari qat’iy nazorat ostida ushlab turilgan, bu esa davlat tomonidan iqtisodiy jarayonlarga bo‘lgan faol aralashuvni ko‘rsatadi. Buxoroga Yevropa, Hindiston, Xitoy va Forsdan savdogarlar oqib kelgan, bu esa shaharning Markaziy Osiyodagi yirik iqtisodiy markazlardan biriga aylanishiga olib kelgan. A.Byorns Buxoro amirligining XIX asr birinchi yarmidagi ijtimoiy-iqtisodiy holatini chuqur o‘rgangan ilk g‘arb tadqiqotchilaridan biri hisoblanadi. Uning kuzatuvlari mintaqaviy va xalqaro savdo aloqalarini, yirik davlatlar o‘rtasidagi iqtisodiy raqobatni hamda amirlikning ichki iqtisodiy siyosatini anglash uchun muhim manba bo‘lib xizmat qiladi.

Ushbu maqolada inklyuziv ta’lim nima ekanligi uning mazmuni,maqsadi va tamoyillari bo’lajak o’qituvchilarning kasbiy kompetentliklarini rivojlantirishda inklyuziv ta’limning o’rni va uning tasiri yoritilgan. Bo’lajak o’qituvchilarning kasbiy kompetentliklarini rivojlantirishda inklyuziv ta’limga tayyorlashda pedagogik, psixologik, va ijtimoiy kompetentliklarini rivojlantirishga alohida e’tibor qaratilgan.

Mazkur maqolada Qoraqalpoq milliy liboslarining dastlabki shakllari, turli tasirlar natiyjasida ózgarish bosqichlari, ranglar politrasi, silueti, aksessuarlari haqida bayon qilingan. Qoraqalpoq milliy liboslarining boshqa millatlarning an’anaviy liboslaridan ajralib turuvchi naqshlari, ularning mazmun moxiyati haqida ham ta’kidlab ótilgan. Bundan tashqari hozirgi kunda nafaqat ayollar balki erkaklar garderobida ham óz órniga ega Etno uslubdagi kiyimlar, aksessuarlar haqqida tasavvurga ega bólish uchun malumotlar berilgan.

Ushbu maqolada ta’lim jarayonida innovatsion texnologiyalar va zamonaviy metodlardan foydalanishning ahamiyati, ularning o‘quvchilarning bilim olish motivatsiyasiga, mustaqil fikrlashiga va amaliy ko‘nikmalarni shakllantirishga ta’siri tahlil qilinadi. Shuningdek, STEAM, interfaol metodlar, raqamli platformalar, elektron darsliklar, multimedia vositalari kabi vositalarning ta’lim samaradorligini oshirishdagi roli yoritiladi. Maqolada tajriba asosida olingan natijalar, amaliy misollar va innovatsion yondashuvlar asosida berilgan takliflar ham bayon etilgan.