Ushbu maqola O‘zbekiston Respublikasida yosh gandbolchi darvozabonlarni tayyorlashning hozirgi holatini tahlil qiladi, mavjud muammolarni aniqlaydi va ularni bartaraf etish uchun innovatsion yechimlarni taklif etadi. Tadqiqotda jismoniy, texnik va psixologik tayyorgarlik masalalari ko‘rib chiqilib, xalqaro va mahalliy tajribalar, amaliyotlar, xususan, OKMK jamoasi misolida zamonaviy usullari muhokama qilinadi. Maqolada yosh darvozabonlarning malakasini oshirishga qaratilgan amaliy tavsiyalar berib o‘tilgan.

Mazkur maqolada badiiy matnda dialektlarning o‘rni va ularning funksional vazifalari tahlil qilinadi. Dialektal unsurlar badiiy asarning mazmuniy va stilistik boyligini oshirish, qahramon xarakterini ochib berish, milliy va hududiy koloritsiyani aks ettirishda muhim rol o‘ynaydi. Maqolada dialektlarning qahramonning ijtimoiy kelib chiqishini ifodalash, matnning tabiiyligini oshirish, tarixiy va madaniy muhitni yoritish hamda stilistik vosita sifatida qo‘llanilishi singari asosiy funksiyalari yoritilgan. Shuningdek, dialektlardan foydalanishning imkoniyatlari va cheklovlari muhokama qilinib, ularning badiiy adabiyotdagi ahamiyati Sharof Rashidovning “G‘oliblar” romanidan misollar bilan mustahkamlangan. Maqola lingvistika va adabiyotshunoslik sohalarida tadqiqot olib borayotgan mutaxassislar uchun foydali bo‘lishi mumkin.

Ushbu maqolada 14-15 yoshli futbolchilarda maxsus chidamkorlikni rivojlantirish vositalarini tanlash va qoʻllashdagi muammolarni bartaraf etishga doir tavsiyalar bayon etilgan.

Ушбу мақолада божхона органларида профайлинг тушунчаси, унинг илмий асослари, амалий усуллари ва жаҳон тажрибаси таҳлил қилинган. Профайлинг хавфли шахсларни саралаш ва уларни олдиндан аниқлашда божхона назоратининг самарадорлигини ошириш воситаси сифатида қаралади. Тадқиқотда АҚШ, Сингапур, Нидерландия ва бошқа мамлакатлар мисолида амалий натижалар келтирилган.

Ushbu maqolada telekommunikatsiya tarmoqlarining barqaror va xavfsiz ishlashini ta’minlashda monitoring va nazorat tizimlarining tutgan o‘rni chuqur tahlil qilinadi. Telekommunikatsiya tarmog‘i komponentlarining holatini real vaqt rejimida kuzatish, nosozliklarni tezda aniqlash va bartaraf etish, trafikni boshqarish hamda xavfsizlik tahdidlarini oldindan aniqlash uchun qo‘llaniladigan zamonaviy dasturiy vositalar turlari o‘rganiladi. Maqolada ochiq kodli (open source) va tijorat (commercial) monitoring vositalari solishtirilib, ularning funksional imkoniyatlari, afzalliklari va cheklovlari batafsil ko‘rib chiqiladi. Bundan tashqari, Software-Defined Networking (SDN) texnologiyasining monitoring jarayonlariga ta’siri, sun’iy intellekt asosidagi tahlil va avtomatik javob berish mexanizmlari, hamda real amaliyotdagi ilg‘or tajribalar haqida ham fikr yuritiladi. Maqola yakunida monitoring tizimini tanlash mezonlari va uni samarali joriy etish bo‘yicha amaliy tavsiyalar beriladi.