Ushbu maqolada O‘zbekiston depozit bozori rivojlanishining hozirgi holati, muammolari va istiqbollari tahlil qilinadi. Mamlakatda so‘nggi yillarda bank tizimini isloh qilish, aholining jamg‘arma madaniyatini shakllantirish hamda bank tizimiga ishonchni oshirish borasida amalga oshirilayotgan chora-tadbirlar yoritilgan. Shuningdek, davlat siyosatini takomillashtirish orqali depozit bozorini yanada rivojlantirishning asosiy yo‘nalishlari — moliyaviy barqarorlikni mustahkamlash, foiz siyosatini liberallashtirish, depozit sug‘urtasi tizimini kengaytirish va raqamli bank xizmatlarini rivojlantirish masalalari tahlil etilgan. Maqolada shuningdek, aholining moliyaviy savodxonligini oshirish, uzoq muddatli depozitlarni rag‘batlantirish hamda innovatsion bank mahsulotlarini joriy etish bo‘yicha takliflar ilgari suriladi.

Maqolada innovatsion iqtisodiyotning zamonaviy rivojlanishdagi roli tahlil qilinadi. Innovatsion iqtisodiyotning mohiyati, asosiy xususiyatlari, iqtisodiy o‘sishga ta’siri va mamlakatlar strategiyasidagi ahamiyati ko‘rib chiqilgan. Shuningdek, maqolada texnologik, ijtimoiy va ekologik innovatsiyalarning iqtisodiyotdagi o‘rni va ahamiyati yoritilgan.

Maqolada xizmatlar sohasida xizmat sifаtini rivojlantirishning оmillаri yoritilgan. Xorijiy davlatlar tajribasiga to’xtalgan. Хizmаt ko‘rsаtish tаshkilоtining хоdimi va ularning mijozlar o’rtasidagi munosabatlarga urg’u berilgan.

Ushbu ishda xizmat ko‘rsatish korxonalarida iqtisodiy samaradorlikni baholash mezonlari va ko‘rsatkichlari keng yoritilgan. Mavzuda xizmatlar sohasi iqtisodiyotning muhim tarkibiy qismi sifatida qaralib, korxonalar faoliyatining samaradorligini aniqlashda qo‘llaniladigan uslubiy yondashuvlar, moliyaviy va nisbiy ko‘rsatkichlar tizimi tahlil qilinadi. Shuningdek, xizmatlar hajmi, tannarxi, foyda miqdori, rentabellik darajalari, mehnat unumdorligi, resurslardan foydalanish samaradorligi kabi asosiy ko‘rsatkichlarning mazmuni va ularni hisoblash usullari ko‘rsatib beriladi.

Ushbu maqolada Sirdaryo viloyatida joylashgan Eski Xovos arxeologik yodgorligining shakllanishi, madaniy qatlamlari, me’moriy qoldiqlari, topilmalari va ularning Markaziy Osiyo tarixiy-madaniy jarayonlaridagi o‘rni yoritiladi. Manzilgohda hayot miloddan avvalgi IV–III asrlarda boshlangan va XX asrning o‘rtalarigacha uzluksiz davom etgan. 2014-yilgi qazishmalar natijasida topilgan Anaxita haykalchasi, XII asrgacha mansub chiroq va ellinistik davr devorlari hududning boy madaniy qatlamini ochib beradi. Tadqiqotlar natijalari Eski Xovosning Ustrushona hududi uchun etalon yodgorlik sifatidagi ahamiyatini tasdiqlaydi.