Mazkur maqolada numerologiyaning psixologiya, falsafa, madaniyatshunoslik, tarix, astrologiya hamda boshqa yondosh sohalar bilan o‘zaro aloqasi va fanlararo xususiyatlari tahlil qilinadi. Numerologiyada sonlarning ramziy, semantik va madaniy mazmun kasb etishi, ularning inson tafakkuri, dunyoqarashi va turli madaniy an’analardagi talqini masalalariga e’tibor qaratiladi. Shuningdek, numerologik qarashlarning tarixiy shakllanishi, sonlarning ramziy ma’nolarini izohlashda turli fan va sohalarning yondashuvlari hamda ular o‘rtasidagi metodologik aloqadorlik yoritiladi. Tadqiqotda numerologiyaning mustaqil ilmiy fan sifatidagi maqomi bilan bog‘liq masalalar ham nazariy jihatdan muhokama qilinib, numerologik qarashlarni madaniy-falsafiy hodisa sifatida o‘rganish imkoniyatlari ko‘rsatib beriladi. Natijada numerologiya va yondosh sohalar o‘rtasidagi integrativ aloqalar insonning sonlar orqali borliqni anglash va ramziy ma’nolarni shakllantirish jarayonlarini tushunishda muhim nazariy manba bo‘lishi mumkinligi asoslanadi.

Maqolada oliy ta’limda topologiya fanini o‘qitishda interfaol metodlardan foydalanishning didaktik va metodik imkoniyatlari tahlil qilinadi. Topologik fazo, ochiq va yopiq to‘plam, baza, uzluksizlik, kompaktlik, bog‘langanlik, homeomorfizm, ko‘paytma va faktor fazo kabi abstrakt tushunchalarni o‘zlashtirishda talabani faol fikrlashga jalb etish zarurligi asoslanadi. Tadqiqot nazariy tahlil, qiyosiy-pedagogik tahlil va metodik modellashtirishga tayangan. Interfaol savol-javob, Think–Pair–Share, peer instruction, muammoli ta’lim, inquiry-based learning, guruhli isbot, konsept xarita, gallery walk va vizual modellashtirish usullarining topologiya darsiga mos shakllari taklif etiladi. Natijada interfaol metodlarni oddiy “faollashtirish” vositasi sifatida emas, balki ta’rif-misol-qarshi misol-isbot-refleksiya zanjirini tashkil etuvchi didaktik tizim sifatida qo‘llash maqsadga muvofiqligi ko‘rsatiladi.

Mazkur maqolada jinoyat protsessida dastlabki tergovni tamomlash bosqichini raqamlashtirishning nazariy-huquqiy va amaliy masalalari tadqiq etilgan. Raqamli texnologiyalarning tergov faoliyatiga joriy etilishi natijasida jinoyat ishini tamomlash to‘g‘risidagi protsessual qarorlarni qabul qilish, dalillarni baholash, elektron hujjatlarni shakllantirish, prokuror nazoratini amalga oshirish hamda protsess ishtirokchilarining huquqlarini ta’minlash mexanizmlarida yuzaga kelayotgan o‘zgarishlar tahlil qilingan. Tadqiqot davomida dastlabki tergovni tamomlashning mavjud shakllarini raqamli muhitga moslashtirish zarurati asoslantirilgan. Shuningdek, tergov yakunida to‘plangan dalillarning yetarliligini raqamli monitoring qilish, elektron jinoyat ishining yagona axborot tizimini shakllantirish va prokuror nazoratini avtomatlashtirilgan analitik vositalar orqali takomillashtirish bo‘yicha takliflar ishlab chiqilgan.

Maqolada intertekstuallik nazariyasining M.Baxtin dialogizmidan Yu.Kristeva, R.Bart va J.Jenett konsepsiyalarigacha bo‘lgan tadriji qiyosiy-nazariy jihatdan tahlil qilinadi. Nazariyalar subyekt maqomi, matn chegarasi, munosabat birligi va o‘quvchi roli mezonlari asosida taqqoslanib, ularning “keng” (ontologik) va “tor” (tahliliy) modellarga ajralishi asoslanadi. Jenettning transtekstuallik tasnifi Sharq mumtoz poetikasidagi talmeh, tazmin, iqtibos, nazira, taxmis va sharh bilan funksional muvofiqlashtiriladi. O‘zbek tadqiqotlari tahlili asosida atamaning haddan tashqari kengaytirilishi xavfi ko‘rsatilib, ikki bosqichli tahlil modeli taklif etiladi.

Asosiy g‘oya: talablarni uyg‘un qo‘llash orqali sifatni boshqarishni izchil, samarali va o‘lchanadigan tizimga aylantirish.