Tadqiqotda nazorat va eksperimental (gipodinamiya) holatidagi onalardan tug‘ilgan oq laboratoriya kalamushlardan foydalanildi. Postnatal ontogenezning turli davrlarida miokardning morfologik tekshiruvlari shuni ko‘rsatdiki, nazorat guruhi bilan taqqoslaganda, eksperimental guruhda miokard kapillyarlarida staz va eritrotsitlar agregatsiyasi aniqlandi. Gipodinamiya holati kardiomiotsitlarning endotelial funksiyasini sezilarli darajada buzildi. Tajriba hayvonlarining barcha davrlarida miokard periferik qon aylanishining buzilishi natijasida miokard gipoksiyasi yuzaga kelgani qayd etildi. Shuningdek, miokard intramural arteriyalaridagi endotelial hujayralarda spazm, hamda stromaning perivaskulyar shishi aniqlangan.

Hozirgi globallashuv sharoitida mamlakatlar iqtisodiy rivojlanishini samarali boshqarish uchun aniq va ishonchli prognozlarga ehtiyoj tobora ortib bormoqda. Makroiqtisodiy ko‘rsatkichlar, jumladan yalpi ichki mahsulot (YAIM), inflyatsiya darajasi, ishsizlik ko‘rsatkichi, eksport-import hajmi va investitsiyalar iqtisodiy barqarorlikni ta’minlashda muhim rol o‘ynaydi.

Ushbu maqolada ortopedik stomatologiyada raqamli texnologiyalarning o‘rni, xususan CAD/CAM tizimlari va 3D printer yordamida protez tayyorlash jarayonlari keng yoritilgan. Zamonaviy texnologiyalar protezlash jarayonini tezlashtirish, aniqlikni oshirish va estetik natijalarni ta’minlashda muhim ahamiyat kasb etadi. Tadqiqotda ushbu texnologiyalarning afzalliklari, cheklovlari, klinik amaliyotdagi qo‘llanilishi va kelajakdagi rivojlanish istiqbollari tahlil qilinadi.

Mazkur maqolada qoraqalpoq xalqining qadimiy cholg‘u asboblaridan biri — qobuzning kelib chiqishi, tarixiy rivoji va musiqa madaniyatidagi o‘rni yoritiladi. Tadqiqotda arxeologik topilmalar, yozma manbalar va xalq og‘zaki ijodi materiallari tahlil qilinadi. Shuningdek, qobuzning tuzilishi, ijro uslubi hamda badiiy imkoniyatlari ko‘rib chiqiladi. Maqola qobizni milliy madaniy meros sifatida o‘rganish va uni saqlash masalalarining dolzarbligini asoslashga qaratilgan.

Tomas Akvinas (1225–1274) skolastik davrning intellektual cho‘qqisini ifodalaydi, bu davr xristian vahiylarini Aristotel falsafasining qat’iy tizimi bilan uyg‘unlashtirishga qaratilgan tizimli harakat bilan ajralib turadi (Taufik 2020). Italiyaning Rokkasekka shahridagi aristokrat oilasida tug‘ilgan Akvinas oxir-oqibat Dominikan ordeniga qo‘shildi, bu esa uni 13-asr universitet inqirozi markaziga olib keldi. Bu davrda Aristotel asarlarini qayta kashf etish—ko‘pincha Arabcha tarjimalar va Averroes kabi shaxslarning sharhlari orqali—an’anaviy Avgustin-Platoniy tizimlariga qarshi chiqdi (Pabjan 2020, Taufik 2020).