Bolalar maktab taʼlimiga tayyor boʻlishi uchun ular nafaqat aqliy va ijtimoiy koʻnikmalarga, balki rivojlangan nutq va muloqot qobiliyatlariga ham ega boʻlishi zarur. Bu zarurat Oʻzbekiston Respublikasining “Maktabgacha taʼlim va tarbiyaning davlat standarti”, “Ilk va maktabgacha yoshdagi bolalar rivojlanishiga qoʻyiladigan davlat talablari” hamda “Ilk qadam” davlat oʻquv dasturida aniq belgilangan. Ushbu jihatlar maqolada tahlil qilingan.

Ushbu maqolada ayol rahbarlarning shaxsiy va psixologik xususiyatlari, ularning jamiyatdagi roli hamda duch keladigan ijtimoiy-psixologik to‘siqlar tahlil qilinadi. Shuningdek, rahbarlik faoliyatida gender tengligining ahamiyati, ayollarning boshqaruvda o‘z o‘rnini topishi va bu jarayonda ularni ruhiy jihatdan qo‘llab-quvvatlash zarurati ilmiy asosda yoritiladi.

Ushbu maqolada pul-kredit siyosatining milliy iqtisodiyot barqarorligini ta’minlash va jahon moliya tizimidagi o‘zgarishlarga moslashishdagi roli ilmiy jihatdan tahlil qilinadi. Tadqiqotda O‘zbekiston Respublikasi Markaziy bankining inflyatsiyani maqsadli boshqarish, foiz siyosatini takomillashtirish va milliy valyuta barqarorligini saqlash borasidagi amaliy chora-tadbirlari o‘rganilgan. Shuningdek, jahon moliya bozorida kuzatilayotgan global inflyatsiya, foiz stavkalarining o‘sishi va geosiyosiy xatarlarning O‘zbekiston iqtisodiyotiga ta’siri tahlil etiladi. Maqola yakunida mamlakatda pul-kredit siyosatini yanada takomillashtirish bo‘yicha istiqbolli yo‘nalishlar – raqamli so‘mni joriy etish, foiz siyosatini moslashtirish, bank tizimi likvidligini oshirish hamda xalqaro moliyaviy integratsiyani kuchaytirish bo‘yicha ilmiy-amaliy tavsiyalar ishlab chiqilgan.

Ushbu maqolada paxta (Gossypium hirsutum L.) yetishtirishda zararkunandalar turlarining paxta hosildorligiga ta’siri tahlil qilindi. Tadqiqotlar 2023–2024-yillarda Toshkent viloyatining paxta maydonlarida olib borildi. Amerika paxta tunlami (Helicoverpa armigera), paxta tripsi (Thrips tabaci), o‘rgimchakkanasi (Tetranychus urticae) va shira (Aphis gossypii) asosiy zararkunandalar sifatida qayd etildi. Natijalar shuni ko‘rsatdiki, zararkunandalar populyatsiyasi yuqori bo‘lgan yillarda hosilning 18–27 foizgacha kamayishi kuzatildi. Maqolada paxta zararkunandalariga qarshi kurashda biologik va agrotexnik choralarning samaradorligi muhokama qilinadi.

Tasviriy san’at turlari ichida akvarel buyoqlar bilan ishlash o’ziga xos noyob texnika va noziklikni talab etadi. Akvarel buyo’g’i yengillik, shaffoflik va ranglar uyg’unligini ifodalash imkonini beradi. Shuning uchun u rangtasvir san’atida keng qullaniladi.