Abstract. Xitoyning “Bir makon, bir yoʻl” (BRI) tashabbusi transport va infratuzilmani rivojlantirish orqali global savdo aloqalarini kengaytirishni maqsad qilgan eng yirik loyihalardan biridir. Dengizga chiqish imkoniyati cheklangan (doubly landlocked) Oʻzbekiston uchun ushbu tashabbus tranzit salohiyatini oshirish, eksport xarajatlarini kamaytirish va jahon bozorlariga integratsiyalashuvda strategik ahamiyatga ega. Ushbu maqolada 2015-yildan buyon BRI tashabbusining Oʻzbekiston tashqi savdo tuzilmasi hamda iqtisodiy rivojlanishiga taʼsiri ilmiy va statistik maʼlumotlar asosida tahlil qilinadi. Shuningdek, infratuzilma hamda savdo hajmining ortishi bilan birga, Xitoyga iqtisodiy qaramlik va tashqi qarz xatarlari yoritib beriladi.