Abstract. Ushbu maqolada ijtimoiy tarmoqlarda foydalanuvchilar tomonidan yoziladigan qisqa matnlar xavfliligini aniqlash jarayoni K-Means algoritmi va yuqori chegaraviy qiymat — x ≥ 0.7 asosida baholash orqali o‘rganiladi. Tadqiqot doirasida 1000, 5000, 10 000 va 20 000 ta yozishmadan iborat to‘rt xil datasetda eksperimentlar o‘tkazildi. Natijalar shuni ko‘rsatdiki, yuqori threshold qo‘llanganda xavfli deb belgilangan xabarlar soni ancha kamayadi, biroq aniqlik sezilarli ravishda oshadi. Ayniqsa, yirik datasetlarda model xavfsiz va xavfli kontentni ancha to‘g‘ri ajratadi. Maqola ijtimoiy tarmoqlarda xavfli ma’lumotlarni erta aniqlash tizimlarini ishlab chiqishda amaliy ahamiyatga ega.