Maqolada intertekstuallik nazariyasining M.Baxtin dialogizmidan Yu.Kristeva, R.Bart va J.Jenett konsepsiyalarigacha bo‘lgan tadriji qiyosiy-nazariy jihatdan tahlil qilinadi. Nazariyalar subyekt maqomi, matn chegarasi, munosabat birligi va o‘quvchi roli mezonlari asosida taqqoslanib, ularning “keng” (ontologik) va “tor” (tahliliy) modellarga ajralishi asoslanadi. Jenettning transtekstuallik tasnifi Sharq mumtoz poetikasidagi talmeh, tazmin, iqtibos, nazira, taxmis va sharh bilan funksional muvofiqlashtiriladi. O‘zbek tadqiqotlari tahlili asosida atamaning haddan tashqari kengaytirilishi xavfi ko‘rsatilib, ikki bosqichli tahlil modeli taklif etiladi.

Mazkur maqolada xotin-qizlar jinoyatchiligiga qarshi kurashishda huquqiy savodxonlik va huquqiy madaniyatning ahamiyati sotsiologik nuqtayi nazardan tahlil qilinadi. Unda xotin-qizlarning huquq va majburiyatlarini bilishi, amaldagi qonunchilikdan xabardorligi, huquqiy himoya mexanizmlaridan foydalanish imkoniyatlari hamda qonuniy xulq-atvorining jinoyatchilik profilaktikasidagi o‘rni yoritiladi. Shuningdek, huquqiy savodxonlik va huquqiy madaniyatning shakllanishiga ta’sir etuvchi ijtimoiy omillar, oila, ta’lim, mahalla, ommaviy axborot vositalari va davlat institutlarining roli tahlil qilinadi. Maqolada xotin-qizlar o‘rtasida huquqiy ong va huquqiy madaniyatni yuksaltirish jinoyatchilikning oldini olishning muhim ijtimoiy mexanizmlaridan biri sifatida asoslanadi. Xotin-qizlarning huquqiy bilimlarini oshirish, qonuniy manfaatlarini himoya qilish ko‘nikmalarini rivojlantirish va huquqiy axborotdan foydalanish imkoniyatlarini kengaytirish orqali jinoyatchilik profilaktikasining samaradorligini oshirish imkoniyatlari ko‘rib chiqiladi.

Mazkur maqolada jinoyat protsessida dastlabki tergovni tamomlash bosqichini raqamlashtirishning nazariy-huquqiy va amaliy masalalari tadqiq etilgan. Raqamli texnologiyalarning tergov faoliyatiga joriy etilishi natijasida jinoyat ishini tamomlash to‘g‘risidagi protsessual qarorlarni qabul qilish, dalillarni baholash, elektron hujjatlarni shakllantirish, prokuror nazoratini amalga oshirish hamda protsess ishtirokchilarining huquqlarini ta’minlash mexanizmlarida yuzaga kelayotgan o‘zgarishlar tahlil qilingan. Tadqiqot davomida dastlabki tergovni tamomlashning mavjud shakllarini raqamli muhitga moslashtirish zarurati asoslantirilgan. Shuningdek, tergov yakunida to‘plangan dalillarning yetarliligini raqamli monitoring qilish, elektron jinoyat ishining yagona axborot tizimini shakllantirish va prokuror nazoratini avtomatlashtirilgan analitik vositalar orqali takomillashtirish bo‘yicha takliflar ishlab chiqilgan.

Bul maqalada ádebiy til hám individual stillik mashqalaları, K.Raxmanovtıń individual stili haqqında sóz etiledi.

Mazkur maqolada numerologiyaning psixologiya, falsafa, madaniyatshunoslik, tarix, astrologiya hamda boshqa yondosh sohalar bilan o‘zaro aloqasi va fanlararo xususiyatlari tahlil qilinadi. Numerologiyada sonlarning ramziy, semantik va madaniy mazmun kasb etishi, ularning inson tafakkuri, dunyoqarashi va turli madaniy an’analardagi talqini masalalariga e’tibor qaratiladi. Shuningdek, numerologik qarashlarning tarixiy shakllanishi, sonlarning ramziy ma’nolarini izohlashda turli fan va sohalarning yondashuvlari hamda ular o‘rtasidagi metodologik aloqadorlik yoritiladi. Tadqiqotda numerologiyaning mustaqil ilmiy fan sifatidagi maqomi bilan bog‘liq masalalar ham nazariy jihatdan muhokama qilinib, numerologik qarashlarni madaniy-falsafiy hodisa sifatida o‘rganish imkoniyatlari ko‘rsatib beriladi. Natijada numerologiya va yondosh sohalar o‘rtasidagi integrativ aloqalar insonning sonlar orqali borliqni anglash va ramziy ma’nolarni shakllantirish jarayonlarini tushunishda muhim nazariy manba bo‘lishi mumkinligi asoslanadi.