Mazkur maqolada adabiyotshunoslikka oid nazariy adabiyotlarda qo‘rquv masalasining o‘rganilishi tahlil qilinadi. Tadqiqotda qo‘rquv tushunchasining estetik, psixoanalitik va strukturalistik nazariyalar doirasidagi talqinlari ko‘rib chiqiladi. Edmund Burke’ning ulug‘vorlik (sublim), Zigmund Freyd’ning g‘ayrioddiylik (unheimliche), Julia Kristeva’ning abjeksiya hamda Tsvetan Todorov’ning fantastik haqidagi qarashlari asosida qo‘rquvning badiiy matndagi vazifasi yoritiladi. Shuningdek, o‘zbek adabiyotshunosligida qo‘rquv va tahlika kategoriyalariga munosabat masalasi ko‘rsatib beriladi. Tadqiqot natijalari qo‘rquv adabiyot nazariyasida mustaqil estetik kategoriya sifatida shakllanganini asoslaydi.

Mazkur maqolada o‘zbek mumtoz adabiyotining bugungi kundagi ma’naviy-ma’rifiy ahamiyati, uning yoshlar tarbiyasidagi o‘rni hamda milliy qadriyatlarni saqlash va rivojlantirishdagi roli tahlil qilingan. Mumtoz adabiyot namunalari orqali yosh avlodda vatanparvarlik, insonparvarlik, ma’rifatparvarlik va axloqiy fazilatlarni shakllantirish masalalari yoritilgan. Shuningdek, globallashuv sharoitida mumtoz adabiyotning milliy o‘zlikni anglash, ma’naviy merosni asrab-avaylash va ta’lim tizimida samarali foydalanishdagi ahamiyati ilmiy jihatdan asoslangan.

Ushbu maqola raqamli pedagogika sharoitida individual ta’lim yo‘nalishlarini ishlab chiqishning nazariy va amaliy asoslarini tahlil qiladi. Tadqiqotda konstruktivizm, shaxsga yo‘naltirilgan ta’lim va kompetensiyaga asoslangan yondashuvlar asosiy nazariy poydevor sifatida ko‘rib chiqildi. Amaliy qismda adaptiv o‘quv tizimlari, learning analytics va modulli o‘quv dizayni orqali talabaning o‘quv jarayonini shaxsiylashtirish mexanizmlari o‘rganildi. Natijalar raqamli muhitda individual ta’lim yo‘nalishlarini yaratish texnologik infratuzilma, pedagogik dizayn va data-analitika integratsiyasi orqali samarali shakllanishini ko‘rsatdi. Maqola raqamli ta’limning kelajakdagi yo‘nalishlari, ai-driven moslashtirish va o‘qituvchilarning raqamli kompetensiyasiga doir xulosalar bilan yakunlanadi.

This article discusses the role of artificial intelligence in English language teaching and learning. Today, AI technologies are becoming an important part of modern education. The article analyzes the advantages of AI-based tools in improving students’ language skills, increasing motivation, and organizing personalized learning. In addition, the paper highlights several challenges and future perspectives of implementing AI in foreign language education.

Onalik va bolalikni muhofaza qilish zamonaviy jamoat salomatligining ustuvor yo‘nalishlaridan biri hisoblanadi. Ona va bola salomatligi ko‘rsatkichlari mamlakatning ijtimoiy-iqtisodiy rivojlanishi, tibbiy xizmatlar sifati hamda aholi turmush darajasini aks ettiruvchi muhim indikatorlar sirasiga kiradi. Mazkur maqolada onalik va bolalikni muhofaza qilish tizimining zamonaviy tibbiy-ijtimoiy muammolari, maternal va neonatal salomatlikka ta'sir etuvchi determinantlar hamda ularni bartaraf etishning istiqbolli yo‘nalishlari tahlil qilindi. Tadqiqotda 2020–2026-yillarda e'lon qilingan xalqaro ilmiy adabiyotlar, Jahon sog‘liqni saqlash tashkiloti, UNICEF, UNFPAning rasmiy hisobotlari o‘rganildi. Olingan ma'lumotlar tahlili shundan dalolat beradiki, ona va bola salomatligining holati nafaqat tibbiy yordam sifati, balki ijtimoiy tengsizlik, iqtisodiy sharoitlar, ayollar ta'lim darajasi, ekologik omillar va sog‘lom turmush tarziga ham bevosita bog‘liqdir. Onalik va bolalikni muhofaza qilish tizimini takomillashtirish uchun profilaktik yondashuvlarni kuchaytirish, reproduktiv salomatlik xizmatlarini kengaytirish, birlamchi tibbiy yordam sifatini oshirish hamda raqamli sog‘liqni saqlash texnologiyalarini joriy etish muhim ahamiyat kasb etadi.