Ushbu maqolada Ikkinchi jahon urushi qatnashchilarining Vatan uchun olib borgan kurashlari, ular keltirgan g‘alaba sabab hozirgi tinch-osoyishta hayotga erishganligimiz va mustaqillik yillaridan hozirgacha nafaqat faxrli urush ishtirokchilari, balki, ilm-fan sohasidagi ziyolilar shaxsiyatlarini abadiylashtirish va chuqur izlanishlar olib borishdagi islohotlar haqida yoritildi. Ta’lim orqali yoshlar ongida buyuk tarixni haqiqiy jonlantirish va taraqqiyot sari ilg‘or qadamlar tashlab, ajdodlarimiz ko‘zlagan maqsadga biz erishishimiz-vazifamiz ekanligi yana bir bor ta’kidlab o‘tildi.

Ushbu maqola islomgacha bo'lgan davrda turkiy xalqlar orasida shakllangan adabiy an'analar, ularning asosiy xususiyatlari, janrlari va namunalari haqida ma'lumot beradi. Bu davr adabiyoti asosan og'zaki ijod shaklida rivojlangan bo'lib, qo'shiqlar, afsonalar, rivoyatlar, dostonlar va marosim qo'shiqlaridan iborat. Mazkur maqola qadimgi turkiy yodgorliklar, ularning madaniy va tarixiy ahamiyatini yoritishga qaratilgan.

Ushbu maqolada musiqiy faoliyat turlarini kreativ tarzda tashkil etishning zamonaviy yondashuvlari, nazariy asoslari va amaliy ahamiyati o'rganiladi. Tadqiqot davomida O'zbekiston va xorijiy mamlakatlar tajribasi tahlil qilinib, musiqiy ta'limda innovatsion usullarni qo'llash imkoniyatlari ochib berilgan. Natijalar musiqiy ta'lim jarayonini kreativ tashkil etish orqali o'quvchilarning bilim, ko'nikma va malakalari shakllantirishga ijobiy ta'sir ko'rsatishini isbotlaydi. Xulosa qismida musiqiy faoliyatni kreativ tashkil etishning istiqbolli yo'nalishlari taklif etilgan.

Ushbu maqola zardushtiylik diniy an’analari va amaliyotlarida muhim o‘rin tutuvchi kalendarga bag‘ishlangan. Zardushtiylik kalendari, asosan, qadimgi Fors imperiyasi va uning atrofidagi hududlarda tarqalgan zardushtiylik e'tiqodlari bilan bog‘liq bo‘lib, turli diniy bayramlar va marosimlarning sanalari ushbu kalendarda aniq belgilangan. Maqolada zardushtiylikning yilni hisoblash tizimi, asosiy bayramlar va muqaddas kunlarning ahamiyati, shuningdek, bu kalendarning zamonaviy zardushtiylar orasida qanday saqlanib kelayotgani tahlil qilinadi. Zardushtiylik kalendari, yirik tabiiy o‘zgarishlar va uning ruhiy, diniy mazmuni bilan birga, zamonaviy dunyoda milliy va diniy meros sifatida qadrlanadi.

Ushbu maqolada banklarning xalqaro hisob-kitob operatsiyalarini takomillashtirish masalalari chuqur tahlil etilgan bo‘lib, ayniqsa “Oʻzsanoatqurilishbank” ATB misolida amaliy jarayonlar yoritilgan. Xalqaro hisob-kitoblar tizimining asosiy shakllari — SWIFT tizimi orqali o‘tkazmalar, akkreditivlar, inkasso, valyuta konversiyasi va korrespondent banklar bilan hisob-kitoblar bank faoliyatining global integratsiyadagi asosiy tarkibiy qismlari sifatida ko‘rib chiqiladi. Maqolada xalqaro hisob-kitoblarning samaradorligini oshirish, raqamli texnologiyalarni joriy etish, to‘lovlar tezligini oshirish, komplayens talablariga muvofiqlikni kuchaytirish va mijozlar uchun qulay interfeyslar yaratish bo‘yicha takliflar berilgan. Tadqiqot natijalari Oʻzbekiston bank tizimidagi raqamli islohotlar kontekstida “Oʻzsanoatqurilishbank” tajribasi asosida amaliy qiymatga ega bo‘lgan xulosalar shaklida bayon etilgan.