Mazkur maqolada sport etikasi tushunchasi, uning shakllanishi va zamonaviy sportda tutgan o‘rni tahlil qilinadi. Sportda adolat, halollik, raqibga hurmat, o‘zini tutish madaniyati kabi etik qadriyatlarning ahamiyati yoritiladi. Shuningdek, professional sportchilarning, murabbiylar va sport muassasalarining axloqiy mas’uliyati, dopingdan foydalanish, korrupsiya va zo‘ravonlik holatlariga qarshi kurashish zarurati ilmiy-nazariy jihatdan asoslab berilgan. Maqolada sport etikasi nafaqat sportchilar, balki butun jamiyatning madaniy rivojlanishiga xizmat qiluvchi muhim omil sifatida ko‘rsatilgan. Muallif sport etikasi masalalarini yoritishda xorijiy tajribalar va xalqaro sport tashkilotlarining me’yoriy hujjatlariga ham murojaat qiladi.

Mazkur maqola XXI asrning dolzarb muammolaridan biri- ekologik muammolar, oqibatlari va ularning yechimlariga bag’ishlangan bo’lib, xalqaro tashkilotlar tomonidan bu borada olib borilayotgan ishlar hamda O’zbekiston misolida Orol muammosiga alohida to’xtab o’tilgan.

Yuz-jagʻ flegmonasi — odontogen infektsiyalar, travmatik shikastlanishlar yoki immunitet zaiflashishi natijasida rivojlanadigan ogʻir yiringli yalligʻlanish jarayoni bo‘lib, to‘qimalarning chuqur qatlamlariga tarqalishi va bemorning umumiy holatiga salbiy ta’sir ko‘rsatishi mumkin. Flegmonaning muvaffaqiyatli davolanishi mikrobiologik tahlil natijalariga asoslangan antibiotik terapiyani toʻgʻri tanlashga bogʻliq. Ushbu maqolada yuz-jagʻ flegmonasining mikrobiologik xususiyatlari, bakterial flora tarkibi, antibiotik sezuvchanlik testlari va empirik hamda maqsadli antibiotik terapiyaning samaradorligi tahlil qilinadi. Tadqiqot yuz-jagʻ flegmonasi bilan kasallangan bemorlarda eng ko‘p uchraydigan bakteriyalarni aniqlash, sezuvchanlik testlarini amalga oshirish va antibiotik tanlashning optimal usullarini belgilashni maqsad qiladi. Ushbu ilmiy ish bakteriologik ekin va molekulyar-genetik diagnostika metodlari asosida olib borilib, davolashda qo‘llanilishi mumkin bo‘lgan antibiotiklar samaradorligi baholanadi. Maqolada empirik va maqsadli antibiotik terapiya yondashuvlari keltirilib, beta-laktam antibiotiklari (masalan, **Sefazolin**), klindamitsin va metronidazol kabi preparatlarning flegmonada qo‘llanilish samaradorligi tahlil qilinadi. Tadqiqot natijalari antibiotik terapiya strategiyalarini optimallashtirishga, kasallikning asoratlarini kamaytirishga va bemorlarning tezroq sogʻayishini ta’minlashga yordam beradi.

Mazkur maqolada davlatning inson huquqlarini ta’minlashdagi asosiy majburiyatlari va Konstitutsiyaning inson manfaatlariga xizmat qilishdagi ahamiyati yoritilgan. Tadqiqotda konstitutsiyaviy tamoyillar, xalqaro majburiyatlar va davlatning ichki siyosatidagi inson huquqlarini himoya qilish mexanizmlari tahlil qilinadi. Konstitutsiya inson manfaatlarini kafolatlovchi asosiy hujjat ekanligi, uning hayotga tatbiq etilishi jarayonlari misollar orqali yoritiladi. Shuningdek, sud tizimi va huquqiy davlat tamoyillarining inson huquqlarini ta'minlashdagi o‘rni ham tahlil qilingan.

Hozirgi kunda barcha mamlakatlarda va yurtimizda madaniyat va san’at sohasi boshqaruviga juda katta e’tibor qaratilmoqda. Sababi madaniyat menejmentiga yangicha bilim, yangicha ko‘nikma va yangicha dunyoqarash tabora kuchaymoqda. Shuning uchun ham ushbu tezisda madaniyat sohasi menejmentining muhum vazifalari haqida fikirlar yuritilgan.