Maqolada O‘zbekistonda meva-sabzavot mahsulotlarini eksport qilishda korporativ logistik tizimlarni shakllantirish va rivojlantirish masalalari tahlil qilingan. Iqtisodiy va geografik sharoitlar, transport infratuzilmasi, xalqaro standartlar va normativ-huquqiy baza asosida samarali logistika zanjirini tashkil etishning imkoniyatlari va kamchiliklari ko‘rib chiqilgan. Maqolada meva-sabzavot eksportida korporativ logistikadan samarali foydalanishning nazariy va amaliy jihatlari, xalqaro tajribalar va O‘zbekistonning ustunliklari, xatarlari va strategiyalari tahlil qilingan. Shuningdek, eksport hajmini oshirish va xalqaro bozorlarda raqobatbardoshlikni ta’minlash maqsadida innovatsion korporativ logistika platformalarini rivojlantirish bo‘yicha takliflar berilgan.

Mazkur ilmiy maqolada akademik litsey fizika kursining muhim tarkibiy qismi hisoblangan dinamika bo‘limida Nyuton qonunlarini o‘qitishning zamonaviy metodik yondashuvlari, didaktik asoslari hamda o‘quvchilarning ilmiy tafakkurini rivojlantirishdagi pedagogik imkoniyatlari kompleks tahlil qilinadi. Tadqiqot jarayonida fizika ta’limining kompetensiyaviy modeli, konstruktivistik pedagogika tamoyillari hamda raqamli ta’lim texnologiyalaridan foydalanish asosida Nyuton qonunlarini o‘qitish jarayonini takomillashtirish yo‘llari ilmiy jihatdan asoslab beriladi. Shuningdek, Nyuton qonunlarini o‘rganishda real hayotiy vaziyatlarga asoslangan muammoli masalalar, modellashtirish metodlari, eksperimental yondashuvlar hamda simulyatsiya texnologiyalaridan foydalanish o‘quvchilarda sabab-oqibat bog‘lanishlarini anglash, analitik fikrlash va ilmiy xulosa chiqarish ko‘nikmalarini rivojlantirishga xizmat qilishi aniqlanadi. Tadqiqot natijalari zamonaviy metodik yondashuvlar asosida tashkil etilgan o‘quv jarayoni o‘quvchilarning dinamika qonuniyatlarini chuqurroq anglashiga hamda fizik bilimlarni real jarayonlarni tahlil qilishda qo‘llash kompetensiyasining shakllanishiga sezilarli darajada ijobiy ta’sir ko‘rsatishini ko‘rsatadi.

Статья посвящена исследованию проблем эколого-мелиоративного состояния орошаемых земель, его улучшению и повышению плодородия почв, совершенствованию механизмов восстановления и ввода в эксплуатацию деградированных орошаемых земель в условиях дальнейшего развития и либерализации экономики Республики Узбекистан, формированию конкретных теоретических и методолого-практических подходов к их решению.

Ushbu maqolada Abu Hamid al-G‘azzoliyning “Tavba” asarida din va axloq masalalarining o‘zaro uyg‘unligi ilmiy-nazariy jihatdan tahlil qilinadi. Asarda tavba tushunchasi insonning ma’naviy poklanishi va axloqiy kamolotga erishish jarayoni sifatida talqin etiladi. Maqolada tavbaning Qur’on va hadis manbalari asosidagi sharhi, uning tasavvufiy-falsafiy mohiyati hamda inson kamolotidagi o‘rni ochib beriladi.Shuningdek, asarda din va axloqning ajralmas birlikda talqin qilinishi, tavbaning shaxsiy va ijtimoiy mas’uliyatni shakllantirishdagi roli yoritiladi.

Ushbu maqolada davlat xaridlari sohasida elektron tizimlarning korrupsiyaga qarshi kurashda tutgan o'rni va samaradorligi tahlil qilingan. Tadqiqot doirasida xalqaro tajriba, jumladan Yevropa Ittifoqi, Janubiy Koreya, Gruziya va boshqa mamlakatlarning elektron davlat xaridlari tizimlarini joriy etish bo'yicha amaliyoti o'rganilgan. Tadqiqot natijalaridan kelib chiqib, elektron tizimlarning shaffoflikni oshirish, raqobatni kuchaytirish va korrupsion xavflarni kamaytirish borasidagi imkoniyatlari aniqlangan hamda tizimni yanada takomillashtirish bo'yicha takliflar ishlab chiqilgan.