Abstract. Мақолада тезкор-қидирув фаолияти ва тергов жараёнида олинган рақамли маълумотларни судда баҳолашнинг процессуал ҳамда криминалистик кафолатлари тадқиқ этилади. Формал-юридик ва қиёсий таҳлил асосида далилнинг қонуний олиниши, манбасининг аниқланиши, яхлитлиги ва қайта текшириш имконияти ўртасидаги боғлиқлик очиб берилади. Мутахассис иштироки, кўчирма нусхаларни расмийлаштириш, хэш-қийматларни қайд этиш, далиллар ҳаракатини ҳужжатлаштириш ва шахсий ҳаёт дахлсизлигини таъминлаш масалалари ёритилади. Хэш-қийматнинг мослиги ахборот мазмунининг ҳақиқатга мувофиқлигини мустақил равишда тасдиқламаслиги асосланади. Суд текширувини изчил ташкил этиш, рақамли далиллар билан ишлашнинг ягона талабларини ишлаб чиқиш ва ҳимоя тарафининг техник эътирозларини мазмунан текшириш бўйича таклифлар илгари сурилади.