Abstract. Mazkur ilmiy maqolada raqamli transformatsiya va umumiy axborotlashuv sharoitida oliy ta’lim muassasalari talabalarida axborot madaniyati hamda mediasavodxonlikni mustaqil ta’lim jarayonida optimallashtirishning nazariy-metodik asoslari kompleks holda tahlil qilinadi. Kredit-modul tizimi sharoitida talabalarning tanqidiy fikrlashini o'stirish, axborot ishonchliligini baholash ko‘nikmalarini shakllantirish, elektron ta’lim resurslaridan maqsadli foydalanish va akademik halollik tamoyillarini ta’minlash masalalari ilmiy manbalar hamda zamonaviy pedagogik yondashuvlar asosida keng yoritilgan. Tadqiqot natijasida talabalarning mustaqil ta’lim faoliyatini tizimli tashkil etish va uning samaradorligini oshirishga qaratilgan amaliy baholash mezonlari hamda metodik tavsiyalar ishlab chiqilgan.