Abstract. Maqolada O’zbekistonda 2010–2025 yillardagi iqtisodiy o’sish sur’atlari statistik usullar yordamida tahlil qilinib, yaqin yillar uchun bashorat qilingan. Tadqiqotda Jahon banki WDI bazasi ma’lumotlaridan foydalanildi. Tahlil jarayonida tavsifiy statistika, vaqt qatorlarining statsionarligini tekshirish (ADF testi) va ARIMA modeli qo’llanildi. Natijalar o’sish dinamikasi pandemiya davrida keskin pasayganini, keyinchalik tiklanganini va yaqin yillarda o’sish sur’ati o’rtacha daraja atrofida saqlanib qolishini ko’rsatdi. Olingan natijalar iqtisodiy siyosatni rejalashtirishda va o’rta muddatli prognozlar tuzishda foydalanilishi mumkin.