Abstract. Ushbu maqolada O‘zbekiston Respublikasining yangi tahrirdagi Konstitutsiyasi normalarining tadbirkorlik faoliyatini huquqiy jihatdan kafolatlashdagi o‘rni hamda ularni amaliyotga tatbiq etish mexanizmlari tizimli tahlil qilingan. Tadqiqotda qiyosiy-huquqiy, statistik va dinamik tahlil usullaridan foydalanilib, 2022–2026-yillarda kichik tadbirkorlik subyektlarining yalpi ichki mahsulotdagi (YaIM) hajmi dinamikasi va tarmoqlar kesimidagi ulushi o‘rganildi. Tahlil natijalariga ko‘ra, 2022–2026-yillarda kichik biznesning YaIMdagi hajmi 83,0 trln so‘mdan 194,8 trln so‘mgacha (2,35 baravar), kichik korxona va mikrofirmalar soni esa 2026-yil 1-aprel holatiga 507,1 mingtaga (+41,6%) yetgan. Biroq sanoatda kichik biznes ulushining nisbatan pastligi (21,8%), byurokratik to‘siqlar, soliq yuki, moliyaviy resurslar taqchilligi va tashqi savdo xarajatlari kabi tizimli muammolar saqlanib qolmoqda. Maqola yakunida konstitutsiyaviy kafolatlarni amaliy mexanizmlar bilan uyg‘unlashtirish bo‘yicha 6 ta aniq ilmiy-amaliy taklif ishlab chiqilgan.