Abstract. Ушбу мақолада криптоактивлар ва виртуал валюталар билан боғлиқ жиноятларни тергов қилишда дастлабки тергов ҳаракатларини (кўздан кечириш, тинтув ва олиб қўйиш) ўтказишнинг ўзига хос тактик хусусиятлари ҳамда амалиётда юзага келаётган ҳуқуқий ва техник муаммолар таҳлил қилинган. Рақамли далилларни йиғиш, аппарат ҳамёнлари ва SEED-ибораларни излаш, шунингдек, жиноят қуроли ёки объекти бўлган активларни қонуний хатлаш ва давлат назоратидаги ҳамёнларга ўтказиш тартиб-таомиллари халқаро стандартлар ҳамда миллий қонунчилик (хусусан, 3591-сонли Йўриқнома) асосида ўрганилган. Тадқиқот натижасида гумонланувчининг паролларни тақдим этишдан бош тортиши, оффшор биржалар билан ишлашдаги қийинчиликлар ва рақамли далилларни сақлаш тизимини такомиллаштириш юзасидан илмий-амалий таклифлар илгари сурилган.