Abstract. Мазкур мақолада Финляндия таълим тизимидаги STEAM (Science, Technology, Engineering, Art, Mathematics) ва лойиҳага асосланган ўрганиш (Project-Based Learning — PBL) технологияларини Ўзбекистон умумтаълим мактабларида мослаштириб қўллаш масаласи илмий-назарий ва амалий жиҳатдан таҳлил қилинади. Тошкент шаҳар Олмазор тумани 243-мактабда «Менинг мактабим — Менинг фахрим» шиори остида ўтказилаётган лойиҳа ишлари танлови доирасидаги «Менинг юртим — Ўзбекистон» (Ўзбекистон харитасини ясаш/чизиш) лойиҳаси тажрибаси, 2025 йил FIESDU лойиҳаси доирасидаги Финляндия ташрифи кузатишлари, халқаро тадқиқотлар ва OECD маълумотлари мақоланинг асосий манбаларини ташкил этади. STEAM-лойиҳа жараёнида синф раҳбарларининг фасилитатор, педагогик координатор ва ментор сифатидаги роли батафсил ёритилади. Ўқувчиларда ватанпарварлик, жамоавий ишлаш ва STEAM кўникмаларини бир вақтда ривожлантирадиган «ДИАС» амалий модели таклиф этилади.