Abstract. Мазкур тадқиқотда ёшлар ва вояга етмаганлар ўртасида янги психофаол моддалар (NPS) ва "аптека наркоманияси" тарқалишининг барвақт олдини олишда “Эрта огоҳлантириш тизимлари” (EWS) ҳамда рақамли инновацияларнинг ўрни таҳлил қилинган. Тадқиқотда гиёҳвандлик жиноятларининг кибермаконга (Даркнет, Telegram) кўчиши ва синтетик наркотикларнинг ортиб бораётган хавфи турли криминологик назариялар ҳамда илғор халқаро тажрибалар (ЕИ, АҚШ, БМТ) асосида очиб берилган. Шунингдек, Ўзбекистон Республикаси миллий қонунчилигидаги мавжуд бўшлиқларни бартараф этиш мақсадида Миллий EWS тизимига ҳуқуқий мақом бериш, янги моддаларга нисбатан вақтинчалик тақиқ (мораторий) жорий этиш, кибермакондаги нарко-тарғиботни экстремал блоклаш ва жавобгарликни кучайтириш бўйича илмий асосланган қонун лойиҳалари таклиф этилган.