Abstract. Maqolada ikki tomonlama to‘liq yuqori lab yorig‘i bo‘lgan bolalarda yuqori lab va burun deformatsiyasini bir bosqichda bartaraf etishga bag‘ishlangan klinik natijalar va zamonaviy ma’lumotlar tahlil qilindi. 2025–2026-yillar davomida Farg‘ona viloyatida 67 nafar bemorda o‘tkazilgan bir bosqichli xeylorinoplastika natijalari o‘rganildi. Tadqiqot metodologiyasi Millard va Fisher usullari, aniq klinik diagnostika va operatsiyadan oldingi ortodontik tayyorgarlikni o‘z ichiga oladi. Natijalar shuni ko‘rsatadiki, operatsiyadan keyingi suvsizlanish profilaktikasi va erta tiklanish choralari bilan birgalikda o'tkazilgan bir bosqichli korreksiya estetik va funksional natijalarni yaxshilaydi, ikkilamchi jarrohlik aralashuvlari sonini kamaytiradi hamda bolalarda burun-lab majmuasining uyg‘un rivojlanishini ta’minlaydi.