Abstract. Ushbu maqolada kartali to‘lov tizimlarining iqtisodiy samaradorligini oshirish masalalari “Agrobank” ATB faoliyati misolida tadqiq etilgan. Tadqiqotda bank kartalari orqali amalga oshiriladigan to‘lovlar hajmi, tranzaksiyalar tezligi, xizmat ko‘rsatish sifati, xavfsizlik darajasi hamda mijozlar uchun yaratilayotgan qulayliklar kartali to‘lov tizimi samaradorligini belgilovchi asosiy omillar sifatida baholangan. Shuningdek, mavjud texnik infratuzilma, POS-terminallar va bankomatlar tarmog‘i, mobil ilovalar, kontaktsiz to‘lov texnologiyalari, tranzaksiya xarajatlari hamda kiberxavfsizlik bilan bog‘liq muammolar tahlil qilingan. Maqolada kartali to‘lov xizmatlarini raqamlashtirish, zamonaviy protsessing texnologiyalarini joriy etish, xizmat ko‘rsatish tezligini oshirish, firibgarlik holatlarining oldini olish, mijozlar murojaatlarini tezkor ko‘rib chiqish va banklararo integratsiyani kuchaytirish bo‘yicha ilmiy-amaliy takliflar ishlab chiqilgan. Tadqiqot natijalari “Agrobank” ATBda kartali to‘lov tizimlarining ishonchliligi, qulayligi va iqtisodiy samaradorligini oshirishga xizmat qilishi mumkin.