Abstract. Ushbu maqolada raqamli iqtisodiyotning zamonaviy iqtisodiy tizimdagi o‘rni, uning tarkibiy elementlari hamda kambag‘allikni kamaytirishdagi ijtimoiy-iqtisodiy ahamiyati keng tahlil qilinadi. Raqamli iqtisodiyot bugungi kunda global iqtisodiy rivojlanishning eng muhim yo‘nalishlaridan biri bo‘lib, u axborot-kommunikatsiya texnologiyalari (AKT), internet tarmoqlari, sun’iy intellekt, katta ma’lumotlar (big data), elektron platformalar va mobil texnologiyalar asosida shakllangan yangi iqtisodiy muhitni ifodalaydi. Ushbu tizim an’anaviy iqtisodiyotdan farqli ravishda tezkorlik, shaffoflik va yuqori samaradorlik bilan ajralib turadi.