Abstract. Ushbu maqolada boshlang‘ich ta’limning 3-sinf ona tili darslarida “Gap” mavzusini o‘qitish jarayoni orqali o‘quvchilarda kommunikativ ko‘nikmalarni shakllantirish va rivojlantirish masalasi tahlil qilingan. Maqolada “Gap” tushunchasini o‘zlashtirishning o‘quvchilarning og‘zaki v;a yozma nutqiga ta’siri, fikrni aniq va izchil ifodalash malakasini rivojlantirishdagi o‘rni yoritilgan. Shuningdek, dars jarayonida interfaol metodlardan — “Savol-javob”, “Zanjir”, “Aqliy hujum”, “Rol o‘ynash” kabi usullardan foydalanish orqali o‘quvchilarning faolligini oshirish, ularning muloqotga kirishish va mustaqil fikrlash ko‘nikmalarini rivojlantirish imkoniyatlari ko‘rsatib berilgan.