Abstract. Mazkur maqolada xususiy universitetlarning davlat iqtisodiyotiga ko‘rsatadigan ta’siri ilmiy-nazariy va amaliy jihatdan tahlil qilinadi. Xususan, oliy ta’lim tizimida xususiy sektorning rivojlanishi natijasida raqobat muhitining kuchayishi, ta’lim sifati va samaradorligining oshishi, shuningdek, inson kapitalining rivojlanishiga qo‘shilayotgan hissasi o‘rganiladi. Tadqiqotda xususiy universitetlarning yangi ish o‘rinlari yaratish, investitsiyalarni jalb qilish, innovatsion faoliyatni rag‘batlantirish hamda davlat byudjetiga tushumlarni ko‘paytirishdagi o‘rni asoslab beriladi.Shu bilan birga, maqolada xususiy oliy ta’lim muassasalari faoliyatida uchrashi mumkin bo‘lgan muammolar — ta’lim sifati nazorati, ijtimoiy tengsizlik va hududiy tafovutlar kabi masalalar ham ko‘rib chiqiladi. Tahlillar asosida xususiy universitetlarning davlat iqtisodiy rivojlanishiga ijobiy ta’siri mavjudligi, biroq bu jarayon samaradorligi davlat tomonidan to‘g‘ri tartibga solish va nazorat mexanizmlariga bog‘liqligi xulosa qilinadi.