Abstract. Ushbu maqolada “Qutlugʻ qon” romanida qahramonlar xarakterini yaratish mahorati va obrazlar portretining badiiy xususiyatlari tahlil qilinadi. Tadqiqotda Yo‘lchi, Abdishukur, Mirzakarimboy, Yormat, O‘roz, Gulnor va Nuriniso kabi asosiy hamda ikkinchi darajali obrazlarning tashqi ko‘rinishi, nutqi, xatti-harakati va ichki kechinmalari yaxlit badiiy tizim sifatida o‘rganiladi. Yozuvchi qo‘llagan portret detallar va psixologik tasvirlar qahramon xarakterini ochib berishda muhim badiiy vosita sifatida tahlil etiladi. Natijalar Oybekning obraz yaratishda tashqi tasvir va ichki ruhiy holat uyg‘unligini ta’minlab, qahramonlarni jonli va ta’sirchan ifodalaganini ko‘rsatadi.