Abstract. Мазкур мақолада олий таълим муассасаларида таҳсил олаётган талаба-қизларда ёлғизлик ҳиссининг психологик хусусиятлари назарий ва эмпирик жиҳатдан ўрганилди. Ёлғизлик ҳиссининг моҳияти, унинг ижтимоий ва эмоционал шакллари илмий манбалар асосида таҳлил қилинди. Эмпирик тадқиқотда талаба-қизларда ёлғизлик ҳиссининг намоён бўлиш даражасини аниқлаш мақсадида С.Г. Корчагиннинг “Ёлғизлик сўровномаси” қўлланилди. Тадқиқот натижалари ёлғизлик ҳиссининг турли даражада намоён бўлишини кўрсатиб, унинг шахс эмоционал ҳолати ва ижтимоий муносабатлари билан боғлиқлигини тасдиқлади.