Abstract. Ushbu maqolada GM va UzAuto Motors o‘rtasidagi hamkorlikning iqtisodiy ko‘rsatkichlari tarixiy va zamonaviy kesimda tahlil qilinadi. Tadqiqotda hamkorlikning institutsional evolyutsiyasi, ishlab chiqarish quvvatlari, eksport dinamikasi, motor ishlab chiqarish integratsiyasi hamda moliyaviy natijalar o‘rganildi. Tahlil natijasida hamkorlikning dastlabki bosqichida kapital, texnologiya va menejment transferi asosiy omil bo‘lgani, keyingi bosqichda esa brend, platforma, motor ishlab chiqarish va eksport geografiyasi orqali iqtisodiy samara davom etgani aniqlandi. Shuningdek, 2024–2025 yillardagi hisobotlar asosida daromad, foyda, aktivlar, kapital va eksport ulushi dinamikasi baholandi.