Abstract. Ushbu maqolada shaxsga qarshi jinoyatlarning jinoyat-huquqiy tavsifi, ularning turlari, yuridik belgilari hamda ijtimoiy xavflilik darajasi ilmiy jihatdan tahlil qilingan. Shuningdek, shaxsning hayoti, sog‘lig‘i, sha’ni, qadr-qimmati, erkinligi va konstitutsiyaviy huquqlariga qarshi qaratilgan jinoyatlar O‘zbekiston Respublikasi Jinoyat kodeksi normalari asosida tasniflangan. Mazkur turdagi jinoyatlarning sodir etilish sabablari, ularni kvalifikatsiya qilish masalalari, javobgarlik asoslari hamda oldini olishning huquqiy mexanizmlari yoritilgan. Tadqiqot natijasida shaxsga qarshi jinoyatlarni profilaktika qilishda huquqiy ong va huquqiy madaniyatni yuksaltirish, jinoyat qonunchiligini takomillashtirish va odil sudlov samaradorligini oshirish muhim omil ekani asoslab berilgan.