Abstract. Ushbu maqola shaharsozlikda yashil bino tamoyillarini qo‘llashning ahamiyatini va ekoshahar konsepsiyasini tahlil qilishni maqsad qilgan. Maqolada yashil binoning shaharlar rivojlanishidagi o‘rni, ekologik barqarorlikni ta'minlashning yangi metodologiyalari va ekoshaharlar konsepsiyasining turli mamlakatlardagi muvaffaqiyatli tajribalari o‘rganiladi. Shuningdek, maqola shaharsozlikda yuzaga kelgan muammolarni bartaraf etish va yashil shaharlar rivojlanishini qo‘llab-quvvatlash uchun davlat va xususiy sektor o‘rtasidagi hamkorlikning muhimligini ta'kidlaydi. Tadqiqot natijalari yashil binolarni shaharsozlikda qo‘llash orqali shaharlarning ekologik holatini yaxshilash va barqaror rivojlanishni ta'minlash mumkinligini ko‘rsatadi.