Abstract. Mazkur maqolada soliq organlari faoliyatida raqamli texnologiyalarni keng joriy etish, ularning samaradorligini oshirish hamda zamonaviy soliq ma’murchiligi tizimini shakllantirish masalalari kompleks ravishda tahlil qilingan. Raqamli iqtisodiyot sharoitida davlat moliyaviy boshqaruvi tizimining muhim tarkibiy qismi hisoblangan soliq organlari faoliyatini modernizatsiya qilish, elektron xizmatlarni rivojlantirish, ma’lumotlar bazalarini integratsiyalash, sun’iy intellekt va katta ma’lumotlar (Big Data) texnologiyalaridan foydalanish orqali soliq nazoratini kuchaytirish imkoniyatlari ilmiy asosda o‘rganilgan. Tadqiqot jarayonida soliq organlari faoliyatida raqamli transformatsiyaning asosiy yo‘nalishlari, jumladan, elektron soliq hisobotlari, elektron hisob-faktura tizimi, onlayn nazorat-kassa mashinalari, avtomatlashtirilgan soliq monitoringi, elektron audit tizimlari hamda soliq to‘lovchilar bilan interaktiv muloqotni rivojlantirish mexanizmlari tahlil qilingan. Shuningdek, soliq organlari faoliyatida raqamli texnologiyalarni joriy etish orqali inson omilini kamaytirish, korrupsion holatlarni bartaraf etish, soliq to‘lovchilar uchun qulaylik yaratish hamda soliq tushumlarini oshirish imkoniyatlari yoritilgan.