Abstract. Mazkur maqolada korxonalarning investitsion faoliyati, uning iqtisodiy mohiyati va ahamiyati hamda uni buxgalteriya hisobida aks ettirish masalalari keng yoritilgan. Unda investitsiyalarning asosiy turlari, ularning korxona faoliyatidagi o‘rni va iqtisodiy rivojlanishga ta’siri tahlil qilingan. Shuningdek, investitsiyalarni hisobga olish tartibi, ularni to‘g‘ri baholash va moliyaviy hisobotlarda aks ettirishning muhim jihatlari ko‘rib chiqilgan. Maqolada investitsion faoliyat samaradorligini baholash usullari, jumladan asosiy iqtisodiy ko‘rsatkichlar orqali investitsiya loyihalarining foydaliligi aniqlanishi bayon etilgan. Shu bilan birga investitsion faoliyat jarayonida yuzaga keladigan risklar va ularni kamaytirish yo‘llari ham yoritilgan. Tadqiqot natijalari asosida investitsion faoliyatni samarali tashkil etish, uni to‘g‘ri boshqarish va buxgalteriya hisobida aniq aks ettirish korxonaning moliyaviy barqarorligi hamda uzoq muddatli rivojlanishini ta’minlashi asoslab berilgan.