Abstract. Mazkur maqolada Liriodendron tulipifera L. ning bioekologik xususiyatlari, uning tashqi muhit omillariga nisbatan reaksiyasi hamda yangi hududlarga introduksiya qilish jarayonida yuzaga keladigan muammolar kompleks tarzda tahlil qilindi. Tadqiqot davomida mazkur turning morfologik belgilarining shakllanishi, o‘sish dinamikasi va ekologik omillarga moslashuv mexanizmlari o‘rganildi. Shuningdek, kontinental iqlim sharoitida, xususan O‘zbekiston hududida, ushbu o‘simlikni yetishtirishda kuzatiladigan asosiy cheklovchi omillar aniqlanib, ularni minimallashtirishga qaratilgan agrotexnik yondashuvlar asoslab berildi. Olingan natijalar lola daraxtini landshaft dizayni va ko‘kalamzorlashtirishda qo‘llash istiqbollari mavjudligini ko‘rsatadi.