Abstract. Mazkur maqolada qadimgi Xitoy davlat boshqaruvi tizimining shakllanish va rivojlanish jarayoni tarixiy-evolyutsion jihatdan tahlil qilinadi. Unda Shan, Chjou va Sin sulolalari davrida boshqaruv institutlari, hukmdor hokimiyati hamda ma’muriy tuzilmalarning xususiyatlari yoritiladi. Shuningdek, konfutsiylik, legizm va daosizm kabi siyosiy-falsafiy ta’limotlarning davlat boshqaruvi tizimiga ko‘rsatgan ta’siri ochib beriladi. Tadqiqot natijalari Xitoy davlatchiligining uzviyligi, markazlashuv va institutsional barqarorlik tamoyillarini tushunishga xizmat qiladi.