Abstract. Mazkur maqolada xavf guruhiga kiruvchi shaxslarning ijtimoiy moslashuv jarayoniga ta’sir etuvchi asosiy psixosotsial omillar tahlil qilinadi. Ijtimoiy moslashuv insonning jamiyatdagi ijtimoiy rollarni bajarish, ijtimoiy normalarga moslashish hamda shaxslararo munosabatlarni samarali shakllantirish qobiliyatini ifodalaydi. Xavf guruhiga kiruvchi shaxslar turli ijtimoiy, psixologik hamda iqtisodiy omillar tufayli jamiyatga moslashishda qiyinchiliklarga duch kelishi mumkin. Maqolada ijtimoiy moslashuvga ta’sir etuvchi psixologik barqarorlik, o‘z-o‘zini baholash, stressga chidamlilik, ijtimoiy qo‘llab-quvvatlash, kommunikativ kompetensiya kabi psixosotsial atributlar ilmiy manbalar asosida tahlil qilinadi. Tadqiqot natijalariga ko‘ra, ijtimoiy moslashuv jarayonining samaradorligi ko‘p jihatdan shaxsning psixologik xususiyatlari va uni o‘rab turgan ijtimoiy muhit bilan bog‘liq ekanligi aniqlangan.