Abstract. Mazkur maqolada zamonaviy ta’lim tizimining muhim vazifalaridan biri hisoblangan boshlang‘ich sinf o‘quvchilarida tanqidiy tafakkurni rivojlantirish masalasi ilmiy-nazariy hamda amaliy jihatdan tahlil etiladi. Tadqiqotda tanqidiy fikrlash tushunchasining mazmun-mohiyati ochib berilib, uni shakllantirishning pedagogik imkoniyatlari va samarali yo‘llari asoslab berilgan. Shuningdek, interfaol metodlar, muammoli vaziyatlar yaratish, mantiqiy savol-javoblar tizimi hamda refleksiya jarayonining o‘quvchilarning mustaqil fikrlash ko‘nikmalarini rivojlantirishdagi o‘rni yoritiladi. Maqolada o‘qituvchining kasbiy kompetentligining ahamiyati, shaxsga yo‘naltirilgan yondashuv va kompetensiyaviy ta’lim asosida tashkil etilgan darslar o‘quvchilarning mantiqiy, tahliliy va mustaqil fikrlashini rivojlantirishda muhim omil ekani ilmiy dalillar asosida bayon etiladi.