Abstract. Mazkur maqolada talabalarda burch hissini shakllantirish orqali axloqiy sifatlarni rivojlantirishning pedagogik-psixologik mexanizmlari ilmiy jihatdan tahlil qilinadi. Tadqiqotda burch hissi shaxsning ichki motivatsion tuzilmasi, ijtimoiy mas’uliyatni anglash darajasi va axloqiy o‘zini nazorat qilish jarayonlari bilan uzviy bog‘liq psixologik kategoriya sifatida yoritiladi. Shuningdek, axloqiy o‘zini anglash, refleksiya, qadriyatlarni ichkilashtirish va irodaviy sifatlarning rivojlanishi burch hissining shakllanishida asosiy determinant omillar sifatida ko‘rib chiqiladi. Maqolada ta’lim jarayonida muammoli vaziyatlar, axloqiy dilemmalar, jamoaviy faoliyat, sport mashg‘ulotlari va reflektiv tahlil metodlaridan foydalanish talabalarda ichki mas’uliyatni kuchaytirishi va barqaror axloqiy pozitsiyani shakllantirishga xizmat qilishi ilmiy asoslanadi. Tadqiqot natijalari burch hissi va axloqiy sifatlar o‘rtasida ijobiy korrelyatsion bog‘liqlik mavjudligini ko‘rsatadi hamda pedagogik jarayonda integrativ yondashuvni qo‘llash samaradorligini tasdiqlaydi.