Abstract. Maqolada yuqori sinf o‘quvchilarining umumiy jismoniy tayyorgarligini rivojlantirishda yordamchi vositalardan foydalanishning pedagogik samaradorligi tadqiq etilgan. Tadqiqot Boyovut tumani 10-maktab o‘quvchilari ishtirokida amalga oshirildi. Tajriba-sinov mashg‘ulotlarida rezina espanderlar, gantellar, sakrash arqonlari, sport to‘plari va harakatli o‘yinlardan tizimli foydalanish orqali o‘quvchilarning tezkorlik, kuch, chaqqonlik va chidamlilik kabi jismoniy sifatlari rivojlantirildi. Natijalar shuni ko‘rsatdiki, yordamchi vositalar mashg‘ulotlarning samaradorligini oshirib, o‘quvchilarning mashg‘ulotlarga bo‘lgan qiziqishi va faolligini kuchaytiradi. Tadqiqot ma’lumotlari pedagogik amaliyotda yordamchi vositalarni jismoniy tarbiya darslariga tizimli joriy etishning ahamiyatini tasdiqlaydi va sog‘lom turmush tarzini shakllantirishga xizmat qilishi mumkin.