Abstract. Ushbu maqolada o‘zbek va xitoy tillaridagi sonlarning lingvokulturologik xususiyatlari keng tahlil qilingan. Maqolada til va madaniyat o‘rtasidagi o‘zaro bog‘liqlik, sonlar orqali milliy ruhiyat, qadriyatlar va mentalitetning aks ettirilishi ko‘rsatib beriladi. O‘zbekiston va Xitoy tillarida sonlar qanday qilib madaniy kontekstda qaralishi, ularning tarixi va folklor kontekstidagi ahamiyati muhokama qilinadi. O‘zbek tilidagi sonlarning semantikasi va Xitoy tilidagi raqamlarga bo‘lgan madaniy munosabatlar solishtiriladi. Sonlarning turli xususiyatlari, jumladan, ularga bog‘langan afsonalar, an'analar va urf-odatlar keltirilgan. Ushbu tadqiqot natijalari o‘zbek va xitoy tillarini o‘rganayotgan talabalar va lingvistik tadqiqotchilar uchun qimmatli manba bo‘lishi kutilmoqda.