Abstract. Ushbu tadqiqot bo‘lajak o‘qituvchilarni kasbiy faoliyatga tayyorlash tizimida o‘yinli texnologiyalarni qo‘llashning samaradorligini o‘rganishga bag‘ishlangan. Tadqiqot natijalari shuni ko‘rsatadiki, o‘yin elementlarini pedagogik jarayonga integratsiya qilish talabalar motivatsiyasini oshiradi, bilimni mustahkamlashni tezlashtiradi va amaliy ko‘nikmalarni rivojlantirishga yordam beradi. Shuningdek, o‘yinli texnologiyalar murakkab pedagogik vazifalarni ijodiy yondashuv bilan hal qilishni o‘rgatadi, kommunikativ va ijtimoiy ko‘nikmalarni mustahkamlaydi, hamda talabalarni mustaqil fikrlashga undaydi. Tadqiqotda gamification elementlarini dars jarayoniga moslashtirish usullari, pedagogik samaradorlikni baholash va metodik tavsiyalar ishlab chiqish ko‘rib chiqilgan.