Abstract. Ushbu maqolada Learning by Doing konsepsiyasi asosida bo‘lajak o‘qituvchilar faoliyatini tashkil etishning pedagogik asoslari keng ko‘lamda o‘rganilgan. Tadqiqot jarayonida amaliy faoliyat, interaktiv metodlar, loyiha ishlari va simulyatsiyalar orqali bo‘lajak pedagoglarning nazariy bilimlarini amaliyot bilan uyg‘unlashtirish, kasbiy kompetensiyalarini shakllantirish, pedagogik vaziyatlarda samarali qarorlar qabul qilish va o‘quvchilarning individual xususiyatlarini hisobga olish jarayonlari tahlil qilingan. Maqolada talabalarning refleksiya, o‘z-o‘zini baholash va ijodiy fikrlash ko‘nikmalarini rivojlantirishning metodik yondashuvlari ham yoritilgan. Olingan natijalar konsepsiyaning zamonaviy pedagogik jarayonda samarali va dolzarb yondashuv ekanligini tasdiqlaydi, shuningdek, pedagogik innovatsiyalarni tatbiq etish va ta’lim jarayonini interaktiv qilish bo‘yicha amaliy tavsiyalar beradi.