Abstract. O‘zbekiston iqtisodiyotining barqaror rivojlanishi mintaqalarning ijtimoiy-iqtisodiy salohiyatiga bevosita bog‘liqdir. So‘nggi yillarda mamlakatda hududiy iqtisodiy siyosatni modernizatsiya qilish, investitsiya muhitini yaxshilash va mintaqalar o‘rtasidagi tafovutlarni kamaytirish borasida keng ko‘lamli islohotlar amalga oshirilmoqda. Ushbu maqolada O‘zbekiston mintaqalarining ijtimoiy-iqtisodiy rivojlanish darajasi tahlil qilinib, asosiy muammolar — iqtisodiy tengsizlik, infratuzilma nomutanosibligi va bandlik masalalari o‘rganiladi. Shuningdek, mintaqaviy iqtisodiyotni takomillashtirishning strategik yo‘nalishlari, innovatsion yondashuvlar va investitsion mexanizmlar asoslab beriladi.