Abstract. Ushbu maqolada jinoyat ishlari bo'yicha sudga qadar ish yuritish jarayonlarini axborot texnologiyalari vositalari orqali optimallashtirishning nazariy va amaliy jihatlari tahlil qilingan. Tadqiqot doirasida O'zbekiston, Rossiya va xorijiy mamlakatlar tajribasidagi eng yaxshi amaliyotlar taqqoslangan, axborot texnologiyalarining sudga qadar ish yuritish muddatlarini qisqartirish, protsessual xujjatlarni qayta ishlash tezligini oshirish hamda ish yuritish sifatini yaxshilashdagi imkoniyatlari baholangan. Olingan natijalar asosida O'zbekiston Respublikasi tergov organlarida raqamli texnologiyalarni yanada kengaytirish bo'yicha amaliy tavsiyalar ishlab chiqilgan.