Abstract. Ushbu ilmiy maqolada XI–XII asrlarda Saljuqiylar saltanati hukmronligi davrida Termiz shahrining siyosiy, ijtimoiy-iqtisodiy va madaniy rivoji har tomonlama tahlil qilingan. Movarounnahr hududiga Saljuqiylar ta’sirining kuchayishi, Termizning harbiy-strategik va diplomatik mavqei, xalqaro savdo tizimidagi o‘rni, shahar boshqaruvining o‘ziga xos jihatlari, shuningdek, arxeologik manbalar asosida madaniy hayotning taraqqiyoti yoritilgan. Maqolada Termizning bu davrda nafaqat mintaqaviy, balki xalqaro miqyosda ham muhim iqtisodiy, harbiy va ilmiy markaz bo‘lib shakllangani ilmiy manbalar asosida asoslab beriladi.