Abstract. Ushbu maqolada ta’lim tizimida bulut texnologiyalarini qo‘llashning dolzarbligi va afzalliklari tahlil qilinadi. Bulutli hisoblash o‘quv jarayonini samarali tashkil etish, masofaviy ta’limni rivojlantirish, elektron kutubxonalar va test tizimlaridan keng foydalanish imkonini beradi. Tadqiqotda bulut texnologiyalarining ta’limdagi afzalliklari, O‘zbekistonda ularning joriy etilishi, mavjud muammolar va ularni bartaraf etish yo‘llari ko‘rib chiqiladi. Shuningdek, bulutli platformalarning o‘qituvchilar va talabalar uchun yaratadigan qulayliklari, ta’lim sifatini oshirishdagi o‘rni hamda raqamli transformatsiya jarayonidagi ahamiyati yoritiladi. Maqola yakunida bulut texnologiyalarini ta’limda kengroq joriy etish bo‘yicha taklif va tavsiyalar beriladi.