Abstract. Mazkur maqolada korxonaning investitsion va innovatsion faoliyati mohiyati, ularning o‘zaro bog‘liqligi hamda iqtisodiy samaradorlikka ta’siri tahlil qilingan. Investitsion faoliyat korxona moliyaviy resurslarini samarali joylashtirish va rivojlantirishga qaratilgan bo‘lsa, innovatsion faoliyat yangi texnologiyalar, mahsulotlar va boshqaruv yechimlarini joriy etish orqali raqobatbardoshlikni oshirishga xizmat qiladi. Maqolada O‘zbekiston iqtisodiyotida investitsion muhitni yaxshilash, innovatsion loyihalarni moliyalashtirish manbalarini kengaytirish hamda korxonalar faoliyatida ilg‘or texnologiyalarni tatbiq etish bo‘yicha amaliy takliflar berilgan. Shuningdek, investitsion va innovatsion faoliyatning samaradorligini baholash mezonlari, ularni rivojlantirishda davlat siyosatining o‘rni ham yoritilgan.