Abstract. Ushbu ilmiy maqolada O‘zbekiston Respublikasining xalqaro moliyaviy institutlar bilan o‘zaro munosabatlari, ularning shakllanish jarayoni va mamlakat iqtisodiy rivojlanishidagi o‘rni tahlil qilinadi. Tadqiqot 1991–2021-yillar oralig‘idagi davrni o‘z ichiga oladi. Maqolada Xalqaro Valyuta Jamg‘armasi, Jahon banki, Osiyo taraqqiyot banki va Yevropa tiklanish va taraqqiyot banki bilan hamkorlik yo‘nalishlari tahlil etilgan. Xalqaro moliyaviy institutlar tomonidan O‘zbekistonda amalga oshirilgan dasturlar, kredit siyosati hamda iqtisodiy islohotlardagi roli o‘rganilgan. Maqola xulosalarida O‘zbekistonning xalqaro hamkorlikdagi istiqbollari ham yoritilgan.