Abstract. Musiqa ta’limi o‘quvchilarning estetik didini shakllantirish, ijodiy qobiliyatlarini rivojlantirish va ma’naviy dunyoqarashini kengaytirishda muhim ahamiyatga ega. Bugungi globallashuv davrida xorijiy ta’lim texnologiyalarini musiqa darslariga tatbiq etish samaradorlikni oshiradi, o‘quvchilarda musiqiy idrokni chuqurlashtiradi va ularning ijodiy faolligini rag‘batlantiradi. Xususan, Orff texnologiyasi, Kodaly metodi, Dalcroze evritmika tizimi hamda zamonaviy axborot-kommunikatsiya texnologiyalaridan foydalanish maktab darslarida musiqani o‘rgatishning innovatsion yo‘nalishlarini belgilaydi. Bunday yondashuvlar o‘quvchilarni nafaqat milliy musiqiy merosni, balki jahon musiqa madaniyatini ham o‘zlashtirishga undaydi. Natijada, o‘quvchi shaxsida musiqaga bo‘lgan qiziqish, emotsional sezgirlik va kreativ tafakkur rivojlanadi.